Aðalfundur felagsins 

Aðalfundur í Amnesty International Føroyum verður 15. apríl kl. 19 í hølum felagsins í Bøgøtu 15 í Tórshavn. Skráin er sambært viðtøkum felagsins: 

• Frágreiðing um virksemi í 2025 

• Framløga av grannskoðaðum roknskapi 

• Nevndin svarar spurningum 

• Innkomin uppskot 

• Nevndarval 

• Val av grannskoðara 

• Ymiskt  

 

Uppskot til broytingar í viðtøkunum 

Nevndin hevur uppskot til broytingar í viðtøkum felagsins. Viðtøkurnar við broytingaruppskotunum eru viðfestar í t-postinum, sum varð sendur limunum 1. apríl. Á aðalfundinum greiður nevndin frá uppskotunum, tað verður høvi hjá limunum at spyrja inn til hesi broytingaruppskot, og so sjálvandi eisini at atkvøða um hesi broytingaruppskot. 

 

Stilla upp í nevndina 
Á aðalfundinum er nevndarval á skránni. Tað eru 5 nevndarlimir og 2 til 3 tiltakslimir í nevndini. Tiltakslimirnir standa fyri vali á hvørjum ári, og í ár standa 2 nevndarlimir fyri vali. 1 nevndarlimur og 1 tiltakslimur stilla ikki uppaftur, so vit hava í hvussu so er tørv á 2 limum at stilla upp í nevndina. Í nevndini tørvar okkum serliga vitan, førleikar ella royndir innan hesi øki:  

• fíggjarstýring, bókhald og/ella fundraising 

• mannarættindi og lóg 

• nevndararbeiði og strategi 

Mest av øllum leita vit eftir limum, ið ynskja at geva sítt íkast – tí meira orku vit leggja í arbeiðið, meira fáa vit gjørt. Í einum heimi í stórari broyting, og har vanvirðingin av altjóða lóg og mannarættindum alsamt økist, hava vit tørv á eini sterkari og virkisfúsari nevnd í Amnesty Føroyum.  

Lat okkum frætta, um tú kundi hugsað tær at stilla upp í nevndina ella um tú hevur spurningar um nevndararbeiðið.  

 

Evni á skrá 

Sum limur hevur tú eisini møguleika at seta eitt evni á skrá til aðalfundin. Boða okkum frá í seinasta lagi eina viku áðrenn aðalfundin.  

 

Kom á aðalfund! 

Kom á aðalfund, um tú vilt  

• hoyra um tað, sum var á skrá í 2025 

• seta nevndini spurningar  

• hoyra um okkara ætlanir fyri 2026 

• stilla upp í nevndina 

• atkvøða um uppskotini um viðtøkubroytingarnar 

 

Lat okkum frætta 

Lat okkum frætta frá tær, um tú hevur eitt evni til skránna, og um tú kundi hugsað tær at stilla upp í nevndina ella hevur spurningar hesum viðvíkjandi. Tú kanst ringja til Regin Berg, virkandi formann, á tlf. 581013 ella skriva á chair@amnesty.fo. Ella tú kanst seta teg í samband við Turið Mariu Jóhansdóttir, aðalskrivara, á 235817 og turid@amnesty.fo. 
 

Vit gleða okkum at frætta frá tykkum 
Nevndin í Amnesty Føroyum