AMNESTY INTERNATIONAL FØROYAR
Amnesty hevur limir og skrivstovur kring allan heim – eisini í Føroyum. Virðisgrundarlagið hjá Føroya deild er ST-yvirlýsingin um mannarættindi frá 1948 og aðrir mannarættindasáttmálar. Visiónin er ein heimur, har øll menniskju hava tey 30 rættindini í ST-yvirlýsingini um mannarættindi umframt tey rættindini, sum aðrir altjóða sáttmálar staðfesta.
Í 1965 tók Roland Thomsen stig til at seta Amnesty á stovn í Føroyum saman við Jóhonnu Jensen, Eyðun Johannesen, Finni Johannesen og Poul Skårup. Deildin í Føroyum er tí ein av teimum elstu deildunum hjá Amnesty yvirhøvur.
Fyrstu nógvu árini var Amnesty í Føroyum einans ein sjálvboðin nevnd, men nú hava vit eina skrivstovu við tveimum fólkum.
Sí eitt yvirlit yvir nevndarlimunum frá 1965 til 2022 her.
Myndin er tikin á 50 ára føringardegnum hjá Amnesty Føroyum, 2015
HØVUÐSMÁL
Amnesty International Føroyar arbeiða á ymiskar mátar, t.d. við at leggja trýst á politikarar, skipa fyri kunnandi átøkum, savna inn undirskriftir og skriva fyri lívi, fyri at røkka trý høvuðsmál.
Høvuðsmálini eru:
- At upplýsa um altjóða mannarættindi
- At upplýsa um og ávirka mannarættindastøðuna úti í heimi
- At upplýsa um og ávirka mannarættindastøðuna heima í Føroyum
NEVNDIN
Ein sjálvboðin nevnd verður vald á hvørjum ári. Hesi eru nevndar- og tiltakslimir 2022/2023:
Regin Berg, formaður
Heiða G. Nolsøe, næstforkvinna
Ragna Á. í Geil, peningarøkil
Ugur Kevioglu, nevndarlimur
Anna Joensen-Næs, nevndarlimur
Bergtóra Patursson, tiltakslimur
Michael Anthony Charles Johannesen, tiltakslimur
Milia Egilsnes, tiltakslimur, er í farloyvi
