Vit havt sagt tað fyrr, og vit siga tað fegin aftur, at harðskapur í nærsambondum er ein áleikandi mannarættindakreppa, og hon hendir beint frammanfyri eygum okkara. Nú er kanning løgd fram, sum vísir føroysk tøl, sum siga júst tað, sum vit havt sagt í áravís.
Vit skulu broyta hugburð og atferð. Og tað krevur nógv av okkum sum samfelag, tá heili 23% av føroyingum hava uppliva kynsligan harðskap. Ein samtykkilóg er eitt av fleiri átøkum, sum skulu gerast fyri at broyta okkara fatan av, hvat er hóskandi atburður. Ein lógarbroyting um t.d. hvat er neyðtøka skal trýsta okkum til at gjøgnumføra eina hugburðsbroyting.
93% av føroyingum kenna til átakið SEX KREVUR SAMTYKKI
Ein hugburðsbroyting, sum longu er ígongd, tí kanningin vísti eisini í dag, at 93% av føroyingum kenna átakið “Sex krevur samtykki” – tað eru jú nærum allir føroyingar. Men nógv – heilt nógv – skal gerast afturat hesum – vit mugu íverkseta upplýsing og undirvísing í kropsligum mørkum á øllum stigum í øllara skúlaskipan. Og tað mugu vit gera nú.
Vit vóna, at hendan kanning skjótt fer at liggja á ovast í bunkanum á borðinum á komandi landsstýrisfundi og á borðunum hjá øllum landsstýrisfólkunum í øllum aðalráðunum. Tí um vit vilja broyta, sum mugu øll við!
Avleiðingar av harðskapi eru syrgiligar fyri tann einstaka
“Tølini eru til at gráta um. Tey vísa, at harðskapur er ein álvarsom samfelagslig avbjóðing” – Heri á Rógvi, Lóður
Í framløguni av kanningini kom fram, at tað hevur ógvusligar sosialar avleiðingar fyri tey, sum eru fyri harðskapi. Tey standa fyri einum nógv meira avbjóðandi lívi – tey eru undirumboða á arbeiðsmarknaðinum og hava stórar sálarligar trupulleikar at dragast við – eisini eftir 40-50 ár eftir at harðskapurin er farin fram.
Framløgan av nýggi kanningini hjá Lóðuri sæst her