Aðalfundur og alment tiltak um samtykkilóggávu hóskvøldið tann 29. apríl

STAÐUR: SMÆRAN, J.H. Schrøtersgøta 7, Tórshavn

DAGUR: hóskvøldið tann 29. apríl

SKRÁ:

KL. 18.00 – 19.30: AÐALFUNDUR

KL. 19-30 – 20.00: ÁBIT

KL. 20.00 – 21.30: ALMENT TILTAK UM SAMTYKKILÓG

AÐALFUNDUR:

SKRÁ
1) Val av fundarstjóra og fundarskrivara

2) Frásøgn nevndarinnar frá virki felagsins í farna ári

3) Góðkenning av roknskapi

4) Nevndin svarar spurningum

5) Val av nevnd og tilvísingarnevnd

6) Val av grannskoðara

7) Ymiskt

Ynskir tú at fáa mál á skrá, skal hetta fráboðast nevndini í seinasta lagi 25.apríl á chair@amnesty.fo.
Øll eru vælkomin at seta spurningar til nevndina á fundinum.

Viðtøkur felagsins kunnu lesast her: https://www.amnesty.fo/…/L%C3%93GIN_Broytt-_2015...

ALMENT TILTAK UM SAMTYKKIGRUNDAÐA NEYÐTØKULÓGGÁVU:

Seinastu 6 árini hevur Amnesty saman við Føroya Politi, Almannaráðnum og Fólkaheilsuráðnum varpað ljós á samtykki, og at SEX KREVUR SAMTYKKI.

Í 2020 varð revsilógin í Danmark um neyðtøku broytt frá at byggja á harðskap, tvingsul ella hóttan um tvingsul til at byggja á samtykki. Danska lógin var meinlík føroysku lógini í dag, men meiriluti varð fyri at dagføra hana við virknaði frá 1. januar 2021.

Í ljósinum av hesum, halda vit tað vera viðkomandi at seta spurningin alment í Føroyum um, hvørt Føroyar skulu hava eina samtykkigrundaða neyðtøkulóggávu?
Hví, hví ikki, og hvør kunning skal fylgja við eini slíkari lógarbroyting?

Vit fáa umboð frá politisku flokkunum til eitt opið kjak um evnið.

Eisini verða kunnandi upplegg frá serfrøðingum undan pallborðinum.

Óluva Zachariassen kemur at leiða prátið.

Les meira um samtykkigrundaða neyðtøkulóggávu HER

HEVUR TÚ HUG AT TAKA LUT Í NEVNDARARBEIÐNUM?

Hesuferð skulu veljast 2 nevndarlimir og 2 tiltakslimir.
Ynskir tú at stilla upp til nevndina og hevur spurningar hesum viðvíkjandi, ert tú vælkomin at seta teg í samband við forkvinnuna Turið Jóhansdóttir (chair@amnesty.fo).

HEVUR TÚ HUG AT GERAST VIRKIN Í UNGDÓMSBÓLKINUM?
Um tú hevur hug at gerast virkin í ungdómsbólkinum, ert tú eisini vælkomin á fund. Umboð frá ungdómsbólkinum verða til staðar. Tú kanst melda teg í ungdómsbólkin við at skriva til okkum á instagram ella facebook.

Við Amnesty kvøðu,

Skrivstova og nevnd hjá Amnesty International Føroyar

Aðalfundur og alment tiltak um samtykkilóggávu hóskvøldið tann 29. apríl

AÐALFUNDUR:

ALMENT TILTAK UM SAMTYKKIGRUNDAÐA NEYÐTØKULÓGGÁVU:

Les meira um samtykkigrundaða neyðtøkulóggávu HER

Líknandi greinar